TÍTULU I. FINXOS Y ESTRATEXAS DE L'ASOCIACIÓN

 

  1. Los finxos d'esta Asociación son:
    1. La proteición, caltenimientu, esporpolle y espardimientu la Llingua Llïonesa en cualisquiera las suas variantes.
    2. Sofitare l'usu la llingua llïonesa en tolas estayas la vida diária y en tolas fasteiras del Reinu de Llión.
    3. Algamare la reconocencia y oficialidá de la llingua llïonesa cul envis d’amiyorare la sua situación de minorización autual.
    4. Concienciar a los llïoneses de la necesidá de caltenere la nuesa llingua,  parte mui importante na nuesa cultura
    5. En resumen, defendere la llingua llïonesa, los dreichos los sous falantes y el dreichu tol mundu, a estudiala y a promovere la sua reconocencia en cualisquier ámbetu y llugar.
  2. Las estratexas pal cumplimientu d'estos finxos sedrán las darréu:
    1. Organización de cursos de Llingua Llïonesa asina cumu toda clas d’autividaes culturales nesa llingua, ente outras: alcuentros de falantes, lleuturas públicas de llibros, concursos de redaición, recoyida de pallabreiros, cuentos, hestorias, ecétera.
    2. Promovere la collaboración ente tolas xentes priocupadas pul caltenimientu y l'esporpolle la llingua llïonesa.
    3. Rialización y espublización, pur cualisquier mediu posible, d'estudios (llinguísticos, sociolóxicos, ecétera) sobru la llingua llïonesa.
    4. Torna a la llingua llïonesa d'obras lliterarias de la lliteratura universal.
    5. Convocatoria de premios lliterarios de puesía y prosa en llingua llïonesa y espublización de los trabayos premiaos. Recoyida y espublización de cuentos, hestorias, canciones, etc., en llingua llïonesa. Convocatoria, d’alcuerdu cunas lleis vixentes, de cualisquier tipu d'autividá, pública ou privada, cul envís de reclamare y defendere los dreichos llinguísticos de los falantes de la llingua llïonesa. Creyación d'un grupu d'estudiu dedicáu a solucionare las dubias que puedan xurdire nel ensinnu la llingua llïonesa asina cumu fixare las normas d'usu y ortografía nos casos onde esistan desemeyadas soluciones llinguísticas nas diferentes variantes llïonesas. Los beneficios otenios pul'Asociación, derivaos del exerciciu d'autividaes económicas, incluyías las prestaciones de servicios, tendrán de destinase, esclusivamente, al cumplimientu los sous finxos, ensín que quepa, en casu dalu, el sou repartu ente los socios que la componen, nin la sua cesión de baldre a presonas fisicas ou xurídicas cun interés llucrativu.