PREPOSICIONES, CONXUNCIONES YA INTERXEICIONES

PREPOSICIONES

Son pallabras invariables que tienen la función de rellacionare pallabras ou grupos de pallabras:

a, ante, ata, baixu, cabu, contra, cun, de, dende, embaixu, en, ensín, ente, escontra, hacia, pa, pur, sigún, so, sobru, ta, tras.

Exemplos:
El coche taba ante'l chigre
Los gochos taban baixu la conxal
Él taba ente la xente
Estu ye buenu pa min
Taba sentáu sobru'l carru.

CONXUNCIONES

Son pallabras invariables que sirven pa unire pallabras ou oraciones. La que sigi darréu ye una de las mueitas clasificaciones posibles:

Copulativas: y/ya, nin, que.
Disyuntivas: ou, bien
Adversativas: anque, peru, mas, sinon, ensín embargu, al contrariu...
Causales: pues, purque, puestu que...
Comparativas: cumu, asina cumu, d'esta maneira...
Condicionales: si, cumu, siempres que, cun tal que, yá que...
Continuativas: asina que, agora bien, sobru tou...
Finales: pa, purque, pa que, cul finxu de, cul envis de que...
Temporales: cuandu, enantias, llueu, mentantu, de la que, en cuantos que, malpenas...

Exemplos:
Diréi pal pueblu anque chueva.
Vou pal guertu, purque tengu d'arrapuzare las patacas.
Creyu / Creigu que va chovere, peru nun tou seguru.
Préstanme las patacas asina cumu las pomas.
Diréi a trabayare siempres que nun chueva.
Trabayu cul finxu de ganare perras.
Chamareite cuandu chege an cá María.

INTERXEICIONES

Son pallabras qu'usamos p'amosare sorpresa ou enfadu: Xuasús, coime, caguen cribos, recongrio, ect.